पोखरा फाइनान्स लिमिटेड, नेपाल राष्ट्र बैंकबाट इजाजतपत्र प्राप्त एक ग वर्गको वित्तीय संस्था हो । यसको स्थापना वि.सं. २०५३ साल (इ.सं. १९९७) मा कास्की, पोखरामा भएको हो । हालमा वित्तीय संस्थाको अधिकृत पुंजी रु. १५० करोड रहेको छ भने जारी पुंजी तथा चुक्ता पुंजी रु. १०८.२५ करोड रहेको छ । यस वित्तीय संस्थाको प्रधान कार्यालय न्यूरोड, पोखरा ९, कास्कीमा रहेको छ साथै संस्थाको कुल पुंजीको ६१ प्रतिशत सेयर संस्थापक सेयरधनीहरुको रहेको छ भने ४९ प्रतिशत सेयर सर्वसाधारणहरुको रहेको छ । नेपाल अधिराज्यभर सञचालित वित्तीय संस्थाहरु मध्ये पोखरा फाइनान्स लिमिटेड स्थापित पुरानो वित्तीय संस्थामा पर्दछ ।
उद्देश्य:
वित्तीय संस्थाको मुख्य उद्देश्य भनेको छरिएर रहेको स–साना पुंजीलाई आकर्षक ब्याज प्रदान गरी निक्षेपको रुपमा स्वीकार गर्ने र सो रकम विभिन्न आवश्यक परेको क्षेत्रहरु जस्तै: व्यापार, उद्योग, कृषि, पर्यटन, हायरपर्चेज, घरजग्गा खरीद तथा मर्मत आदिलाई कर्जा स्वरुप प्रदान गरी निक्षेपकर्ता, ऋणी, सेयरधनी तथा राष्ट्र कै आर्थिक अवस्था बलियो बनाउनु रहेको छ । स्थापनाकालको २६ औं वर्षसम्म आइपुग्दा वित्तीय संस्थाले ठूलो संख्यामा ग्राहकहरुलाई सेवा प्रदान गरेको छ । वित्तीय संस्था सधै आफ्ना ग्राहक, सेयरधनी तथा राष्ट्रप्रति उत्तरदायी रहदै आएको छ भने यस वित्तीय संस्था सदैव आफ्ना ग्राहकहरुलाई छिटो छरितो, सुरक्षित एवम् भरपर्दो सेवा प्रदान गर्न तत्पर रहेको छ ।